Persónuverndarstefna
Hér kemur fram hvaða persónuupplýsingum innst safnar í gegnum vefinn, til hvers þær eru notaðar og hvaða réttindi þú hefur. Stefnan byggir á lögum nr. 90/2018 um persónuvernd og vinnslu persónuupplýsinga og almennu persónuverndarreglugerð ESB (GDPR).
Ábyrgðaraðili
innst, kt. [KENNITALA], [HEIMILISFANG]. Fyrirspurnir um persónuvernd sendast á hallo@innst.is.
Hvaða upplýsingum við söfnum
Þegar þú sendir fyrirspurn í gegnum formið á vefnum fáum við:
- nafn og netfang
- nafn fyrirtækis, ef þú gefur það upp
- hvaða þjónustu þú hefur áhuga á og skilaboðin sjálf
- hvaðan þú komst á vefinn, t.d. hvaða auglýsing eða vefur vísaði þér á hann
Við söfnum engum öðrum upplýsingum um þig í gegnum vefinn og notum ekki vafrakökur til að fylgjast með þér.
Ef þú verður viðskiptavinur
Þegar þú kaupir vef eða áskrift þurfum við líka upplýsingar til að gera samning og senda reikninga:
- nafn og kennitölu þína eða fyrirtækisins
- heimilisfang, netfang og símanúmer tengiliðar
- upplýsingar um greiðslur og reikninga
Grundvöllur þeirrar vinnslu er samningurinn við þig og lagaskylda okkar til að halda bókhald. Greiðslur fara í gegnum greiðsluþjónustu eða banka sem vinnur upplýsingarnar fyrir okkar hönd, og við sjáum aldrei kortanúmer.
Til hvers við notum upplýsingarnar
Eingöngu til að svara fyrirspurninni þinni, senda þér tilboð og, ef þú verður viðskiptavinur, til að vinna verkið. Grundvöllur vinnslunnar er samþykki þitt, sem þú gefur með því að haka í reitinn í forminu, og ráðstafanir sem þú biður um áður en samningur er gerður. Við seljum aldrei upplýsingarnar og notum þær ekki í markaðsskyni án sérstaks samþykkis.
Hvar upplýsingarnar eru geymdar
Formið er rekið af Netlify, Inc., sem hýsir vefinn og tekur við innsendingum fyrir okkar hönd sem vinnsluaðili. Netlify getur geymt gögn utan Evrópska efnahagssvæðisins, meðal annars í Bandaríkjunum, á grundvelli staðlaðra samningsskilmála ESB. Fyrirspurnir berast okkur svo í tölvupósti.
Letrið á vefnum er hýst hjá okkur sjálfum. Vefurinn er hýstur hjá Netlify og fer í gegnum Cloudflare. Þau vinna úr tæknilegum upplýsingum eins og IP-tölu tækisins þíns til að geta birt vefinn.
Við notum Cloudflare Web Analytics til að telja heimsóknir og sjá hvaða síður eru skoðaðar og hvaðan gestir koma. Það notar engar vafrakökur, geymir ekki IP-tölur og safnar engu sem ber kennsl á þig.
Hversu lengi við geymum þær
Fyrirspurnum sem leiða ekki til viðskipta eyðum við innan 12 mánaða. Upplýsingar um viðskiptavini geymum við eins lengi og samningur er í gildi. Reikninga og bókhaldsgögn geymum við í sjö ár eins og lög nr. 145/1994 um bókhald krefjast.
Réttindi þín
Þú átt rétt á að:
- fá að vita hvaða upplýsingar við eigum um þig og fá afrit af þeim
- fá rangar upplýsingar leiðréttar
- fá upplýsingunum eytt
- afturkalla samþykki þitt hvenær sem er
- andmæla vinnslunni eða fara fram á að hún verði takmörkuð
Sendu okkur línu á hallo@innst.is og við svörum innan 30 daga. Ef þú ert ósátt(ur) við hvernig við förum með upplýsingarnar getur þú kvartað til Persónuverndar.
Breytingar
Ef við breytum stefnunni birtum við nýja útgáfu hér með nýrri dagsetningu.